مولوی غلام حیدر شهامت د هرات ولایت له کرخ کثیرالرشتوي انسټيټوټ څخه لیدنه وکړه
د تخنیکي او مسلکي زده کړو ادارې سرپرست مولوي غلام حیدر شهامت د یادې ادارې د یوه پلاوي په مشرۍ هرات ولایت ته د خپل سفر په ترڅ کې د دغه ولایت له کرخ کثیرالرشتوي انسټيتوټ څخه لیدنه وکړه.
په دې کتنه کې نوموړي د کرخ کثیرالرشتوي انسټيټوټ د مسلکي زده کړو له بهیر څخه څارنه وکړه او د تدریسي چارو د لا ښه والي په موخه یې کارکوونکو ته لازمې هدایات وړاندې کړل.
د يادونې وړ ده، چې نوموړي تر دې وړاندې د زنده جان ولسوالۍ د کرنې مسلکي لېسې له وضعیت څخه هم څارنه کړې او له زده کوونکو سره يې په مستقيم ډول کتلې دي.
