مولوي غلام سعید احساس د کندهار ولایت له والي او د یاد ولایت له سیمه ییزو چارواکو سره وکتل

media_admin
یکشنبه ۱۴۰۳/۸/۶ - ۱۵:۵۱
TVETA

د تخنيکي او مسلکي چارو مرستيال مولوي غلام سعيد احساس کندهار ولايت ته د خپل سفر په ترڅ کې د کندهار ولایت له والي او يو شمېر نورو سيمه ييزو چارواکو سره وکتل.

په دې ناسته کې د تخنیکي او مسلکي زده کړو ادارې د ارزښت په اړه خبرې وشوې.

ښاغلي مولوي غلام سعید احساس د کندهار له والي سره په ليدنه کي د تخنيکي او مسلکي زده کړو ادارې د اهدافو، برنامو او لاسته راوړنو په اړه په مفصله توګه توضیحات وړاندې کړل.

نوموړي په دې غونډه کې د مجاهدينو د روزنيز پروګرام په اړه چې د تخنیکي او مسلکي زده کړو ادارې لخوا په لاره اچول شوی په واضع توګه معلومات وړاندې کړل او ويې ويل، چې اوسمهال په ټول هېواد کې شاوخوا ٣٥زره تنه مجاهدین د تخنيکي او مسلکي زده کړو په مرکزونو کې د مجاهدينو په روزنيز پروګرام کې په زده کړو بوخت دي.

په ورته وخت کې د کندهار والي او د یاد ولایت سيمه ييزو چارواکو کندهار ولایت ته د تخنيکي او مسلکي زده کړو ادارې له پلاوي د سفر څخه قدرداني وکړه او زياته يې کړه، چې له ټول توان سره به دیادې ادارې د پروګرامونو څخه ملاتړ کوي.

له بلې خوا مولوي غلام سعید احساس دغه خبرې د ۲۰۵ البدر قول اردو له مسوولینو سره چې یو شمېر نظامي منسوبینو هم په کې حضور درلود لیدنه وکړه.

په دې کتنه کې د تخنيکي او مسلکي چارو مرستيال د مجاهدينو د روزنيز پروګرام د ارزښت په اړه خبرې کړې.

نوموړي زیاته کړه، مجاهدین باید د رامنځ ته شوي فرصت څخه اعظمي ګټه پورته کړي او د علم په حاصلولو کې لا زیاتې هلې ځلې وکړي.

تازه خبرونه

دوشنبه ۱۴۰۴/۱/۱۸ - ۱۴:۱۵
Background image

د لغمان ولایت مرکز اړوند تخنیکي او مسلکي لېسې زده کوونکو ته د «برق ولتاژ» په اړه په عملي پنه روزنه ورکړل شوه

د لغمان ولایت مرکز اړوند تخنیکي او مسلکي ليسې د برښنا څانګې، دولسم ټولګي زده کوونکو ته د یاد ولایت مهترلام ښار مرکزي سب ستیشن ته د یوه علمي سفر په ترڅ کې د« برق ولتاژ» په اړه په عملي. . .

دوشنبه ۱۴۰۴/۱/۱۸ - ۱۰:۲۴
Background image

د لغمان ولایت د مرکز اړوند تخنیکي او مسلکي لېسې د زده کوونکو د عملي زده کړو بهیر

د لغمان ولایت د مرکز اړوند تخنیکي او مسلکي لېسې د برق څانګې، دولسم ټولګي زده کونکو د یاد ولایت بریښنا ریاست ته د یوه علمي سفر په ترڅ کې د « برقي سروې» په اړه په عملي بڼه روزنه ترلاسه. . .

یکشنبه ۱۴۰۴/۱/۱۷ - ۱۵:۵۰
Background image

د ننګرهار د تخنیکي زده کړو مرکزونو زده کوونکو د عملي زده کړو لړۍ د یاد ولایت په اقتصاد ریاست کې پیل شوه

د ننګرهار ولایت د تخنیکي او مسلکي زده کړو مرکزونو څخه د ادارې او سوداګرۍ، ادارې او مدیریت او بانکدارۍ څانګې زده کونکي د عملي زده کړو ترلاسه کولو لپاره ددې ولایت، اقتصاد ریاست ته معرفي. . .

BACK TO NEWS