مولوي غلام حیدر شهامت د پوهنې وزارت د کارکوونکو د ظرفیت د لوړولو د ورکشاپ د پرانیستې په مراسمو کې ګډون او وینا وکړه
د پوهنې وزارت د نویو ګمارل شویو کارکوونکو د ظرفیت لوړونې روزنیز ورکشاپ د پوهنې د وزیر مولوي حبیب آغا او د تخنیکي او مسلکي زده کړو ادارې مولوي غلام حیدر شهامت په حضور کې پرانیستل شو.
مولوي غلام حيدر شهامت چې په دغه برنامه کې يې خبرې کولې، په هېواد کې د عمومي زده کړو پر اهميت ټينګار وکړ او د پوهنې وزارت يې په هېواد کې د يوه ښوونیز نهاد بنسټ په توګه ياد کړ.
د تخنيکي او مسلکي زده کړو ادارې سرپرست هم د دغې ادارې له کارکوونکو وغوښتل، چې د ځوانانو د روزنې او په هېواد کې د پوهنې د ودې لپاره لا زيات کار وکړي.
همدارنګه د پوهنې وزیر په خپلو خبرو کې وویل چې حکومت هڅه کوي چې د ښوونځيو او مدرسو ترمنځ واټن لرې کړي.
