مفتي فضل الرحمن فاضل د تخار ولایت د والي له مرستیال سره وکتل
د تخنیکي او مسلکي زده کړو ادارې د مالي او اداري چارو مرستیال، محترم مفتي فضل الرحمن فاضل، د خپل سفر په دوام کې تخار ولایت ته لاړ.
نوموړي او ورسره مل پلاوي یې د یوې ناستې په ترڅ کې د تخار ولایت له مسؤلینو سره وکتل او خبرې اترې یې وکړې.
په یادې ناسته کې ، دواړو خواوو د تخنیکي او مسلکي زده کړو ادارې سره د همکاریو د پیاوړتیا په اړه بحث وکړ.
د مالي او اداري چارو مرستیال، په تخار ولایت کې د غونډې پر محال په کندوز ولایت کې د تخنیکي او مسلکي زده کړو زون د جوړولو په اړه هم بحث وکړ، چې د تخار ولایت سیمه ییزو چارواکو یې د هرکلی ترڅنګ د لا زیاتو همکاریو ژمنه وکړه.
له بلې خوا، محترم مفتي فاضل د تخنیکي او مسلکي زده کړو مرکزونو له مسؤلینو او کارمندانو سره د یوې غونډې په ترڅ کې خبرې وکړې. نوموړي په خپله وینا کې ټینګار وکړ چې د تخنیکي او مسلکي زده کړو مرکزونو ننګونو ته به رسیدګي وکړي.
