مفتي صاحب فضل الرحمن فاضل د پروان د والي له مرستیال سره ولیدل
ښاغلي مفتي فضل الرحمن فاضل د تخنیکي او مسلکي زده کړو ادارې، د اداري او مالي چارو مرستیال پروان ولایت ته په خپل سفر کې د پروان د والي له مرستیال مفتي احمد ادریس انوري سره لیدنه او خبرې اترې وکړې.
د دغه ناستې اصلي موخه د تخنیکي او مسلکي زده کړو مرکزونو ستونزو او مشکلاتو حل کول بلل شوي دي.
په همدې حال کې، د مالي او اداري چارو مرستیال د تخنیکي او مسلکي زده کړو ادارې په هکله توضیحات ورکړل او د مجاهدینو روزنې د طرحې یادونه یې وکړه.
همدارنګه نوموړي د پروان ولایت له مقام څخه د تخنیکي او مسلکي زده کړو ادارې د ستونزو هوارولو په ځانګړې توګه د املاکو د ستونزو حل کولو غوښتنه وکړه.
له بل پلوه د پروان د والي مرستیال په یاد ولایت کې د تخنیکي او مسلکي زده کړو ادارې له لاسته راوړنو هرکلی وکړ، او له دغه ادارې سره یې د لازیاتو همکاریو ډاډ ورکړ.
