د ګرمو سیمو په تخنیکي او مسلکي زده کړو مرکزونو کې د دوهم سمستر ازموینې پیل شوې
د ۱۴۰۳-۱۴۰۴ ښوونیز تقویم سره سم د ټاکل شوي وخت په رارسیدو سره، د هیواد د ګرمسیرو سیمو په تخنیکي او مسلکي زده کړو مرکزونو کې د دوهم سمستر د ازموینو اړۍ په رسمي ډول پیل شوه.
دا لړۍ، د ولایتي تخنیکي او مسلکي زده کړو آمریتونو د مسؤلینو په مستقیم نظارت او د استادانو او کارمندانو په همکارۍ، په منظم او شفافه فضا کې پیل شوې ده، او د بیلابیلو تخنیکي او مسلکي څانګو زده کونکي په منظم ډول خپلو ازموینو ته حاضریږي.
د دې ازموینو پیل د زده کړییز کیفیت ده ښه والي، د زده کونکو علمي ظرفیت په سمه توګه ارزونه او د راتلونکو فارغانو لپاره د غوره زمینې د برابرولو په برخه کې د ښوونیز تقویم د اغیزمن پلي کولو او د ښوونیزو مرکزونو د ژمنتیا نښه ده.
په ورته وخت کې، د تخنیکي او مسلکي زده کړو ادارې رهبري، ټولو ګډون کونکو زده کونکو ته د بریالیتوب د هیلې ترڅنګ، دغه راز پدې پروسه کې د شفافیت دوام او د ممکنه ننګونو په حل ټینګار کوي.
