د کونړ ولایت نورګل کثیرالرشتوي لېسې زده کوونکو د وریجو د کښت په اړه عملي روزنه ترلاسه کړه
د کونړ ولایت نورګل کثیرالرشتوي لېسې د دولسم ټولګي زده کوونکو د ياد ښوونیز مرکز په څېړنیز فارم کې د یوې درسي جلسې په ترڅ کې د وریجو د کښت څرنګوالي په اړه روزنه ترلاسه کړه.
لارښود استاد نوموړو ته د وریجو د کښت څرنګوالی، د وریجو د کرلو لپاره د مناسبې خاورې پیژندې او د هغې د محصولاتو راټولولو مرحلې په مفصله توګه تشریح کړ او د زده کوونکو پوښتنو ته یې ځوابونه وویل.
عملي زدهکړې په تخنیکي او مسلکي زده کړو مرکزونو کې د ښوونې او روزنې اساسي برخه جوړوي.
له همدې امله، د تخنیکي او مسلکي زده کړو ادارې رهبرۍ، د مهارت ارزښت او کار بازار اړتیاوو ته په ژوره پوهې سره، تل هڅه کوي چې د نظري زده کړو ترڅنګ د زده کوونکو لپاره د عملي زده کړو لاډیرې زمینې چمتو کړي.
