د کندهار کثیرالرشتوي انسټیټوټ د تعمیراتو څانګې محصلینو ته په عملي بڼه روزنه ورکړل شوه

media_admin
دوشنبه ۱۴۰۴/۲/۸ - ۹:۴۰
TVETA

د تخنیکي او حرفوي مهارتونو د لوړتیا په برخه کې، د کندهار ولایت اړوند کثیرالرشتوي انسټیټوټ د تعمیراتو څانګې محصلینو د یو علمي سفر په ترڅ کې د ساختماني چارو په اړه په عملي ډول روزنه ترلاسه کړه.

نوموړو د یادې درسي جلسې په جریان کې، د ودانیو جوړښت او ساختمان، بریښنا او د اوبو رسولو سیسټمونو په ګډون د هغوی د څانګې سره اړوند نورو برخو پورې مرتبط تخنیکي وسایلو او تجهیزاتو سره بلد شول، او د تعمراتو اړوند بيلابیلې عملي مرحلې یې تجربه کړې.

دغه راز یاد علمي سفر په داسې طرحه په لاره اچول شوی و، ترڅو محصلین وتوانېږي چې نظري مفاهیم په عملي ډول پلي کړي او په کاري ساحه کې د اصلي ننګونو لپاره چمتووالی ونیسي.

لارښود استاد له دقیقې څارنې سره، محصلینو ته د ساختمان د جوړښت تحلیل، د ساختماني ستونزو تشخیص، د ترمیم اصول، او د تخنیکي وسایلو د کارولو په شمول په پیلابیلو تعمیراتي مرحلو کې لارښوونه وکړه.

همداراز د دې درس په دوام کې، د محصلینو لخوا عملي تمرینونه لکه د دیوال جوړول، د سطحې ترمیم، د ودانیزو اجزاو نښلول، او د تعمیراتو په برخه کې د معیاري میتودونو سره بلدتیا هم په عملي ډول ترسره شول.

دا په داسې حال کې ده چې د تخنیکي او مسلکي زده کړو ادارې رهبري تل د عملي زده کړو په پیاوړتیا ټینګار کړی او هڅه کوي چې د یادې ادارې په ښوونیزو مرکزونو کې د عملي زده کړو د پلي کولو لپاره لا ډیرې زمینې برابرې کړي.

تازه خبرونه

پنجشنبه ۱۴۰۴/۶/۶ - ۱۱:۴۱
Background image

د تخنیکي او مسلکي زده کړو ادارې څخه یو پلاوي د بدخشان ولایت له سیمه ییزو مسؤلینو سره وکتل

د تخنیکي او مسلکي زده کړو ادارې اړوند یو پلاوي، شمال ختیځ ولایتونو ته د خپل سفر په دوام کې د بدخشان ولایت له سیمه ییزو چارواکو سره وکتل. نوموړو د خپل سفر په ترڅ کې د بدخشان ولایت د. . .

پنجشنبه ۱۴۰۴/۶/۶ - ۱۱:۳۹
Background image

د تخنیکي او مسلکي زده کړو ادارې څخه یو پلاوي د شمال ـ ختیځ زون ولایتونو ته سفر وکړ

د تخنیکي او مسلکي زده کړو ادارې څخه یو پلاوي د نويو ښوونیزو څانګو د رامنځته کولو په موخه شمال ختیځو ولایتونو ته سفر وکړ. نوموړو د تخنیکي او مسلکي زده کړو مرکزونو څخه د لیدنې سربیره، له. . .

پنجشنبه ۱۴۰۴/۶/۶ - ۹:۳۳
Background image

د فراه ولایت تخنيکي او مسلکي زده کړو آمريت له لوري علماء کرامو ته د عامه پوهاوي يو ورځنی سمينار ترسره شو

په فراه ولایت کې د تخنيکي او مسلکي زده کړو ادارې مسؤلینو د یاد ولایت د مرکز اړوند جوماتونو شاوخوا ۱۰۰ تنو ملا امامانو ته د عامه پوهاوي يو ورځنی سمينار ترسره شو. د فراه ولایت د تخنیکي او. . .

BACK TO NEWS