د کندز د تخنیکي او مسلکي زده کړو آمریت له روزنیزې برنامې څخه 100 نوي ګمارل شوي کارکوونکي فارغ شول
د کندز ولایت په دولتي ادارو کې لږ تر لږه ۱۰۰ تنه نوي ګمارل شوي کارکوونکي چې اکثره یې د اسلامي امارت مجاهدین دي، له دوه میاشتني روزنیز کورس څخه فارغ شول.
دغه روزنیزه دوره د کندز ولایت د تخنیکي او مسلکي زده کړو آمریت له خوا جوړ شوی وه، چې د کمپیوټر، ادارې او مدیریت مهارتونه پکې تدریس شول.
د دغه کورس فارغانو د یو لړ مراسمو په ترڅ کې د فراغت تصدیق پاڼې ترلاسه کړي.
د کندوز د تخنيکي او مسلکي زده کړو آمر فريد احمد لکڼ خېل وايي، چې د دغه آمریت تعليمي پروګرامونه به د مجاهدينو او نويو ګومارل شويو کارکوونکو لپاره دوام وکړي.
