د کابل ښار د تخنیکي او مسلکي زده کړو مرکزونو د محصلینو فراغت غونډه ترسره شوه

media_admin
چهارشنبه ۱۴۰۴/۵/۱ - ۱۴:۳۱
TVETA

د کابل ښار د تخنیکي او مسلکي زده کړو مرکزونو د شاوخوا ۷۰۰ تنو محصلینو فراغت غونډه، د تخنیکي او مسلکي زده کړو ادارې په مرکزي تالار کې ترسره شوه.

په دې مراسمو کې د حکومت یو شمیر لوړ پورو مقاماتو لکه د کابل والي الحاج ملا امین الله عبید، د ریاست‌الوزارء د تخنیک او ترانسپورت رییس مولوي محمد داود محمدي، د تخنیکي او مسلکي زده کړو ادارې تخنیکي مرستیال مولوي غلام سعید احساس، د سیلاب بنسټ مشر الحاج سید احمد سیلاب، د تخنیکي او مسلکي زده کړو ادارې رئيسانو، مسؤلینو او محصلینو هم ګډون درلود.

د مراسمو په پیل کې، د سیلاب بنسټ مشر الحاج سید احمد سیلاب د خپلې وینا پرمحال د تخنیکي او مسلکي زده کړو اهمیت ته په اشارې سره وویل چې د تخنیکي او مسلکي زده کړو اداره د کار بازار اړتیاوو په پوره کولو کې خورا مهم رول لري.

نوموړي همداراز د دې ادارې څخه په هر اړخیز ملاتړ ټینګار وکړ او زیاته یې کړه چې د کار بازار اوس مهال هغو کسانو ته اړتیا لري چې نن یې فراغت غونډه کې حضور لرو.

په دوام کې د کابل والي الحاج ملا امین الله عبید ددې مراسمو په ترڅ او په خپله وینا کې د تخنیکي او مسلکي زده کړو ادارې د لاسته راوړنو او فعالیتونو څخه قدرداني او ستاینه وکړه. نوموړي همداراز زیاته کړه چې اوس د هېواد د پرمختګ او ترقۍ لپاره زمینه برابره ده.

په ورته وخت کې، د ریاست‌الوزرأ د تخنیک او ترانسپورت رئیس مولوي محمد داود محمدي هم د تخنیکي او مسلکي زده کړو مرکزونو د محصلینو په فراغت غونډه کې وینا وکړه.

نوموړي د خپلې وینا په ترڅ کې ټینګار یې وکړ چې ځوانان باید د اسلامي روحیې سره سم وروزل شي او زده کړې ترلاسه کړي.

له بلې خوا، د تخنیکي او مسلکي زده کړو ادارې د تخنیکي چارو مرستیال مولوي غلام سعید احساس د مراسمو په پای کې څرګنده کړه چې د تخنیکي او مسلکي زده کړو مرکزونو فارغان د کار په بازار کې د جذب کیدو وړتیا لري.

ښاغلي مولوي غلام سعید احساس همدارنګه په هیواد کې د تخنیکي او مسلکي زده کړو څخه پر هر اړخیز ملاتړ ټینګار وکړ او دا یې هم زیاته کړه چې د افغانستان اسلامي امارت دې ته ژمن دی چې د هیواد ځوانانو ته د غوره زده کړو ټول امکانات برابر کړي.

د مراسمو په وروستۍ برخه کې، د تخنیکي او مسلکي زده کړو مرکزونو یو شمیر غوره او مخ‌کښ فارغانو ته د مقاماتو لخوا جایزې، ډالۍ او ستاینلیکونه هم ورکړل شول، او مراسم د دعایې په ویلو سره پای ته ورسیدل.

تازه خبرونه

یکشنبه ۱۴۰۵/۸/۲۴ - ۱۶:۱۵
Background image

د تخنیکي او مسلکي زده‌کړو ادارې د کارکوونکو لپاره د ظرفیت لوړونې پروګرام جوړ شو

د تخنیکي او مسلکي زده‌کړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري. . .

شنبه ۱۴۰۵/۸/۲۳ - ۱۵:۲۱
Background image

د مجاهدینو د روزنې لپاره د ادارې او مدیریت څانګې تعلیمي نصاب بیاکتنه وشوه

د تخنیکي او مسلکي زده کړو ادارې د تعلیمي نصاب ریاست مسؤلین وایي، چې د مجاهدینو د روزنې لپاره د ادارې او مدیریت څانګې د تعلیمي نصاب د بیاکتنې او پراختیا بهیر، د کابل پوهنتون له استادانو. . .

شنبه ۱۴۰۵/۸/۱۶ - ۱۳:۴۸
Background image

د تخنیکي او مسلکي زده‌کړو ادارې د دعوت او ارشاد ریاست له لوري اصلاحي غونډه جوړه شوه

د هېواد یوه دیني عالم، محترم مولوي هدایت‌الله، په یوه ښوونیزه غونډه کې د حضرت عمر فاروق (رضی‌الله‌عنه) د حکومتولۍ د څرنګوالي او په اسلامي نظام کې د کارکوونکو د مسؤلیتونو او مکلفیتونو په. . .

BACK TO NEWS