د کابل ولایت د کرنې خوراکي توکو د پروسس انسټیټوټ کې د خوراکي توکو پروسس
د کابل ولایت اړوند کرنې او خوراکي توکو د پروسس انسټیټوټ زده کوونکو ته د «آچار او ترشي» جوړولو په اړه په عملي بنه روزنه ورکړل شوه.
لارښود استاد په دې درسي جلسه کې زده کوونکو ته د ترشي او آچار چمتو کولو او پروسس کولو د څرنګوالي په اړه په مفصله توګه توضیحات وړاندې کړل.
دغه راز نوموړي وويل، د خوراکي توکو پروسس د خوراکي موادو خرابوالي د مخنيوي او په هېواد کې د کسبه کارانو د عایداتو د زياتوالي لپاره ډېر مهم او اړين دي.
د تخنيکي او مسلکي زده کړو په مرکزونو کې د زده کړو لویه برخه عملي ده، له همدې امله د یادو مرکزونو فارغان په مستقیم ډول د کار بازار کې په دندو ګمارل کېږي.
دا په داسې حال کې ده چې د تخنيکي او مسلکي زده کړو ادارې مشرتابه تل د تخنيکي او مسلکي زده کړو په مرکزونو کې د عملي زده کړو پر لا پياوړتيا ټينګار کوي.
