د کابل ميخانيکي انسټيټوټ د ديني او عقیدتي علومو سيالۍ ترسره کړه
د کابل ميخانيکي انسټيټوټ د یاد ښوونيز مرکز د محصلينو او زده کوونکو په ګډون د ديني علومو او عقیدتي مسايلو آزموينه په لاره واچوله.
د کابل ميخانيکي انسټيټوټ د مسوولينو په وينا، د دې پروګرام موخه، په ځوانانو کې د ديني علومو د پوهې پياوړتيا ویل شوې ده.
د کابل د تخنيکي انسټيټوټ رئيس مولانا سيد عبدالرحمن رافت ځوانان د ټولنې او هېواد د ملا تیر په توګه ياد کړل او زياته يې کړه، چې ځوانان بايد د علم په ترلاسه کولو او د افغانستان د پرمختګ لپاره لا زياتې هڅې وکړي.
د ذکر وړ ده چې په دې رقابتي پروګرام کې شاوخوا ۵۰۰ تنو ګډون کړی و، چې د مسوولینو په وینا، ګټونکو ته جوایز هم په پام کې نیول شوي دي.
