د چک کثیرالرشتوي انسټیټوټ محصلینو د عملي زده کړو بهیر
د میدان وردګو ولایت اړوند د چک ولسوالۍ کثیرالرشتوي انسټيټوټ د انجینري څانګې محصلینو ته د یاد ولایت نوآباد کلي ته د یوه علمي سفر په ترڅ کې د احاطې دیوال د نقشه کشۍ په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د اوبو ذخیرې د سولرسیستم او د اوبو ذخیرې د نقشه کشۍ په اړه هم په مفصله توګه توضیحات ورکړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو د مرکزونو فارغان له فراغت وروسته د کار بازار ته په مستقیم ډول جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
