د پلان او همغږۍ ریاست او د ناروې کمیټې ترمنځ ناسته ترسره شوه
د تخنیکي او مسلکي زده کړو ادارې د پلان او ستراتیژیکو همغږيو ریاست د یوې غونډې په ترڅ کې، په افغانستان کې د ناروې کمیټې له مسؤلینو سره وکتل.
د دې غونډې محور د تخنیکي او مسلکي زده کړو ادارې او ناروې کمیټې ترمنځ د دوه اړخیزو همکاریو پیاوړتیا ویل شوې ده.
په دې غونډه کې د ځانګړو زده کړو په برخه کې د اسانتیاوو برابرولو اود تعلیمي نصاب د بیاکتنې په اړه بحث وشو.
د یادونې وړ ده چې د ناروې کمیټه د تخنیکي او مسلکي زده کړو ادارې سره د ځانګړو زده کړو په شمول د تخنیکي زده کړو په بیلابیلو برخو کې همکاري کوي.
