د پلان او ستراتیژیکو همغږۍ ریاست د انافي مؤسسې له مسؤلینو سره ناسته ترسره کړه
د تخنیکي او مسلکي زده کړو ادارې د پلان او ستراتیژیکې همغږۍ رئیس ښاغلي مولوي نیک محمد نیکمل په افغانستان کې د انافي مؤسسې له اجرایوي رئیس حسیب الله "امیني" سره خبرې اترې وکړې.
په دغې کتنه کې د دغې ادارې په ښوونیزو مرکزونو کې په حرفوي څانګو کې د کارپیداکولو د ایجاد په موخه د یوې پروژې د پیل په اړه هم خبرې وشوې.
د تخنیکي او مسلکي زده کړو ادارې د پلان او ستراتیژیکې همغږۍ رئیس د انافي مؤسسې له مسئولینو څخه له دغې ادارې سره د همکارۍ له امله مننه وکړه او له انافي مؤسسې سره یې د دغې ادارې د همکاریو ډاډ ورکړ.
