د پروان ولایت مرکز کثیرالرشتوي انسټيټوټ د محصلینو لپاره ښوونیز سیمینار ترسره شو
په پروان ولایت کې د تخنیکي او مسلکي زده کړو ادارې مسولین وایي چې د یاد ولایت د مرکز اړوند کثیرالرشتوي انسټيټوټ د محصلینو لپاره یې د "آنلاین سوداګرۍ" تر عنوان لاندې یو ورځنی ښوونیز سیمینار ترسره کړ.
د مسؤلینو په وینا، دا سیمینار د ځوانانو د اقتصادي د ودې او نوموړو ته د آنلاین کاري فرصتونو د برابرولو په موخه جوړ شوی و.
د دې ښوونیز پروګرام ګډونوالو هم د دې سیمینار د ترسره کیدو څخه قدرداني وکړه او زیاته یې کړه چې نن ورځ، په ټوله نړۍ کې وګړي د خپلو معاملو د اسانتیا لپاره آنلاین بازارونه کاروي.
