د ولایتونو د تخنیکي او مسلکي زده کړو آمریتونو د فعالیتونو په اړه لنډ راپور

• کندز

د تخنيکي او مسلکي زده کړو ادراې يو يلاوي د تخنيکي او مسلکي مرکزونو د وضعیت د ارزونې په موخه کندز ولايت ته سفر وکړ.

نوموړي پلاوي د کندز ولايت د تخنيکي او مسلکي زده کړو له آمر ډاکتر فريد احمد لکڼ خيل سره وکتل او د یاد ولايت د مسلکي ښوونځيو او انسټیټونو په هکله يې معلومات ترلاسه کړل.

د کندز ولايت د تخنيکي او مسلکي زده کړو آمر په ولايتونو کې د ښوونيزو مرکزونو د بيارغونې او ترميمولو په پار د مرکزي چارواکو د همکارۍ قدرداني وکړه.

• بلخ

د بلخ ولایت د تخنیکي او مسلکي زده کړو آمریت میاشتنۍ غونډه د ښوونیزو مرکزونو د آمرینو او د مرکز ي هستۍ د مدیرانو په شتون کې ترسره شوه.

په دې غونډه کې د فراغت د جدولونو ترتیب او طې مراحل کولو، په ۱۴۰۲ تعلیمي کال کې د زده کوونکو او زده کړیالانو  د جذب او همدارنګه د مستهلکو کتابونو د جدول ترتیبولو په اړه بحث وشو.

• کندهار

د تخنيکي او مسلکي زده کړو ادارې يو پلاوي کندهار ولايت ته سفر وکړ.

نوموړي پلاوي د کندهار ولایت له ټولو تخنیکي او مسلکي مرکزونو څخه لیدنه او څارنه کوي.

ياد پلاوي به په کندهار کې د تخنيکي او مسلکي مرکزونو ستونزې وڅېړي او خپل راپور به د ادارې مشرتابه ته وړاندې کړي.

• کاپیسا

د تخنيکي او مسلکي زده کړو ادراې د ولایتي آمریتونو د کارکوونکو د طرفیت لوړونې په موخه په یاد ولایت کې دوه ورځنی سيمينار په لاره اچولی دی.

په دغه سیمینار کې د تخنیکي او مسلکي زده کړو د مرکزونو آمرین او تدریسي مدیران حضور لري.