د نیمروز ولایت د زرنج کرنې مسلکي انسټیټوټ محصلینو لخوامرغدارۍ په برخه کې د عملي روزنو د زده کړو لړۍ!
د نیمروز ولایت د زرنج کرنې مسلکي انسټیټوټ د کرنې څانګې محصلینو د یو عملي پروګرام په ترڅ کې د مرغدارۍ او چوچه کشۍ ماشینونو په برخه کې عملي روزنه ترلاسه کړه.
د دې درسي جلسې په ترڅ کې، محصلینو ته د چرګانو د روزلو مرحلو، د چوچه کشۍماشینونو د کارولو اصولو او د چرګانو د ساتلو روغتیایی شرایطو په اړه په عملي بڼه روزنه ورکړل شوه.
د محصلینو په کاري راتلونکي کې د عملي زده کړو اهمیت او ارزښت ته په پام سره، د تخنیکي او مسلکي زده کړو مرکزونو کې ۶۰ سلنه زده کړې په عملي ډول وړاندې کیږي. دا زده کړې د محصلینو د حرفوي مهارتونو په لوړولو کې مهم او ارزښتناک رول لوبوي.
په ورته وخت کې، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ ته لا نوره هم وده ورکړي.
