د محصلينو لاسي صنایع نندارې ته وړاندې شول
د ميدان وردګو ولايت د تخنيکي او مسلکي زده کړو آمريت د خپلو متعلمينو او محصلينو لخوا جوړ شوي توکي نندارې ته وړاندې کړل.
د متعلمینو او محصلینو د لاسی صنایعو نندارتون د میدان وردگو ولاِیت د اطلاعاتو او فرهنګ رياست کې په لار اچول شوی وُ چې د ميدان وردګو ولايت عالي رتبه مسؤلينو، مشرانو، متعلمینو، محصلينو او ځوانانو ليدنه ترې وکړه.
ليدونکو ياد نندارتو ډير ګټور ارزيابي کړ او د محصلينو او متعلمينو د لا پرمختګ سبب يې وګڼلو، د تخنيکي او مسلکي زده کړو ادارې رهبري تل هڅه کوي چې د متعلمينو او محصلينو د ظرفيت لوړاوي په موخه د دوی لاسي صنائع نندارې ته وړاندې کړي.
د میدان وردګو ولايت د تخنيکي او مسلکي زده کړو آمر ښاغلی انجنیر محمد حامد ناصري وايي: محصلين او متعلمين يې د نظري زده کړو ترڅنګ په عملي زده کړو مصروف او ډيرې لاس ته راوړنې لري.
