د مالی او حسابی ریاست خپل کاری راپور د تخنیکي او مسلکي زده کړو رهبری ته وړاندې کړ
د تخنيکي او مسلکي زده کړو اداری د مالي او حسابی رئيس ښاغلي محمد حامد پوپل د يادې ادارې رئيس ښاغلي مولوي غلام حيدر شهامت ته د خپلو فعاليتونو راپور وړاندې کړ.
ښاغلي پوپل د یو پریزنټیشن په ارایه کولو سره، د مالي او حسابی ریاست د تشکیل او دندو په اړه هم معلومات وړاندی کړل. د هغه په وينا، د کارکوونکو د معاشونو ترتیبول، د مصرفی حوالو اجرا کول، په AFMIS سیسټم کې د مالي پلانونو ثبتول او د بودیجې د راپورونو وړاندې کول د دې ریاست له مهمو دندو څخه دي.
د مالی او حسابی رییس د 1400 مالي کال په وروستیو دريو مياشتو کښې د بودجی د لګښت په اړه هم راپور وړاندې کړ.
ښاغلي پوپل زیاته کړه چې د مالیې وزارت د تېر مالي کال په وروستیو درېیو میاشتو کې، د تخنيکي او مسلکي زده کړو ادارې د معاشونو د کوډ لپاره ٤٥٣ ميليونه افغانۍ او د توکو او خدمتونو د کوډ لپاره ٩٠ ميليونه افغانۍ ځانګړې کړی وی، چې ٩٣ سلنه له مرکزي بوديجی لګول شوې.
د تخنيکي او مسلکي زده کړو اداری د مالی او حسابی رئيس زياته کړه، چې د تخنيکي او مسلکي زده کړو اداری د ١٤٠١مالی کال بوديجې طرحه هم چمتو او ماليې وزارت ته استول شوې ده.
ښاغلي پوپل د مالی او حسابی رياست ستونزو ته په اشارې سره وويل، چې د کارکوونکو کموالى د دې رياست له عمده ننګونو څخه دى.
د تخنيکي او مسلکي زده کړو اداری رئيس د مالی او حسابی رئيس د راپور له اورېدو وروسته هغه ته لارښوونه وکړه، چې د خپل صلاحيت له مخې په جدي توګه عمل وکړي او هېچا ته د دې رياست په چارو کې د لاسوهنې اجازه ورنکړي.
