د مالي او اداري چارو مرستیال د بدخشان ولایت د تخنیکي او مسلکي زده کړو له آمرینو سره ناسته ترسره کړه
د تخنیکي او مسلکي زده کړو ادارې مالي او اداري مرستیال محترم مفتي فضل الرحمن فاضل بدخشان ولایت ته د خپل سفر په ترڅ کې د یاد ولایت د تخنیکي او مسلکي زده کړو له آمرینو سره ناسته ترسره کړه.
په دې ناسته کې د بدخشان د تخنیکي او مسلکي زده کړو د مرکزونو د ستونزو او اړتیاوو په اړه خبرې وشوې.
په همدې حال کې د تخنیکي او مسلکي زده کړو د مرکزونو آمرینو خپلې ستونزې او اړتیاوې د تخنیکي او مسلکي زده کړو ادارې د مالي او اداري چارو له مرستیال سره شریکې کړې او ښاغلي مفتي فاضل د دوی د اړتیاوو او ستونزو د حل په برخه کې د همکارۍ ژمنه وکړه.
