د لغمان ولایت مرکز زراعت او وترنرۍ انسټيټوټ د محصلینو لخوا د عملي روزنو د زده کړې بهیر
د لغمان ولایت د مرکز اړوند زراعت او وترنرۍ انسټيټوټ د وترنرۍ څانګې محصلینو د حیواني ناروغیو په اړه په عملي ډول روزنه ترلاسه کړه.
لارښود استاد د درس په ترڅ کې، نوموړو ته په حیواناتو کې د Mastitis ناروغۍ په اړه مفصل توضیحات ورکړل.
د درس په دوام کې، محصلینو خپلې پوښتنې او سوالونه هم شریک کړل، او همدارنګه د استاد لخوا د نوموړو پوښتنو ته ځوابونه هم وړاندې شول.
د تخنیکي او مسلکي زده کړو په مرکزونو کې د روزنې لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي ترڅو د تخنیکي او مسلکي زده کړو په مرکزونو کې د عملي درسونو زده کړو لړۍ لا پیاوړې کړي.
