د لغمان ولایت تخنیکي او مسلکي لېسې زدهکوونکو ته د ودانیو د برق کشۍ په اړه عملي روزنه ورکړل شوه
د لغمان ولایت مرکز تخنیکي او مسلکي لېسې زدهکوونکو ته د تخنیکي او مسلکي زده کړو مرکزونو د عملي زدهکړو په چوکاټ کې د ودانیو د برق کشۍ په اړه په عملي ډول روزنه ورکړل شوه.
دغهرازلارښود استاد د درس په ترڅ کې نوموړو ته د پایپونو څخه د برېښنايي سیمونو د ایستلو او بدلولو په اړه هم مفصل توضیحات وړاندې کړل.
په همدې حال کې زدهکوونکو هم د نوموړو لپاره د عملي زدهکړو له وړاندې کېدو څخه قدردانی وکړه او زیاته یې کړه چې دغه زدهکړې له نوموړو سره مرسته کوي تر څو هغوی په مستقیمه بڼه د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا او پراختیا ټينګار کوي.
