د لغمان تخنیکي زده کړو آمریت او د کرنې، اوبولګولو او مالدارۍ ریاست ترمنځ تفاهم لیک لاسلیک شو
د لغمان ولایت د تخنیکي او مسلکي زده کړو آمریت د یاد ولایت د کرنې، اوبولګولو او مالدارۍ له ریاست سره د ګډوهمکاریو تفاهم لیک لاسلیک کړ.
د یاد تفاهم لیک پر اساس به د لغمان ولایت د قرغیو ولسوالۍ اړوند کثیرالرشتوي انسټيټوټ د وترنرۍ څانګې محصلینو لپاره د یاد ریاست د ټکره او پوه ترینرانو لخوا د عملي زده کړو زمینه برابره شي.
دا په داسې حال کې ده چې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
