د فارياب مرکز د کرنې او وترنري انسټیټوټ څارنه او د کثیرالرشتوي خان چهارباغ عالي لېسې په اړه عامه پوهاوی ورکول
د فاریاب ولایت تخنیکي او مسلکي زده کړو امرتی د څارنې پلاوي د دغه ولایت په مرکز کې د کرنې او وترنرۍ په انسټیټوټ کې د تدریس وضعیت وارزاوه.
دغه پلاوي د نصاب او تدریسي لایحو د غوره پلې کیدو لپاره اړین لارښوونې وړاندې کړي.
په ورته وخت کې د فاریاب تخنیکي او مسلکي زده کړو امریت څارنې پلاوي له استادانو وغوښتل چې د عملي او نظري کارونو په ترسره کولو کې له دقت څخه کار واخلي تر څو د امکان تر حده ښه والی راشي.
دغه پلاوي د فارياب کرنې او وترنري انسټیټوټ د ډیپارټمنټونو امرینو ته لارښوونه وکړه چې ممتاز زده کوونکي زده کړیالان چې نوښتونه ولري وروپېژني.
د خان چهارباغ د کثیرالرشتوي عالي لېسې امر او قومي مخورو ترمنځ خبرې او اترې وشوي.
د فارياب تخنيکي او مسلکي زده کړو امریت د لارښوونې له مخې د خان چهارباغ د کثیرالرشتوي لېسې امر محمد نعيم "لبيب" له علماوو، مخورو او کليوالو سره په کتنه کې د دغې لېسې پر موخو او فعاليتونو خبرې وکړې.
په دې کتنه کې په خان چارباغ کې د کثیرالرشتوي لېسې د ودانۍ او ترمیم لپاره د ځمکې پر ټاکلو هم خبرې وشوې.
د غونډې ګډونوالو د تخنیکي او مسلکي زده کړو مرکزونو له موخو څخه ملاتړ وکړ او ژمنه یې وکړه چې زده کوونکو د جذب په برخه کې به همکاري کوي.
