د سردسیرو سیمو او ولایتونو تخنیکي او مسلکي زده کړو په مرکزونو کې د بهاري سمسټر ازموینې پیل شوې
د هیواد د سړوسیمو « سردسیرو» مناطقو او ولایتونو د تخنیکي او مسلکي آمریتونو مسؤلین په دې سیمو او ولایتونو کې د بهاري سمسټر ازموینو د پیل کیدو خبر ورکوي.
دا ازموینه نن، یکشنبه، د روان کال چنګاښ میاشتې په ۱۵مه نټه پیل شوه او ټاکل شوې ده چې د همدې میاشتې تر پایه به دوام وکړي.
په ورته وخت کې، د تخنیکي او مسلکي زده کړو مرکزونو مسولین ډاډ ورکوي چې د هیواد د سړو« سردسیرو» سیمو او ولایتونو په تخنیکي مرکزونو کې به د ازموینې لړۍ په پوره شفافیت او دقیق څارنې د اصولو په بشپړ رعایت سره ترسره شي.
