د ساختماني او جیوډیزي انسټيټیوټ د محصلینو د عملي زده کړو بهیر
د ساختماني او جیوډیزي د انسټيټيوټ محصلینو د عملي زده کړو په موخه د کابل د اتومیخانیکي اکاډمۍ اړوند ځمکه یې محاسبه کړه.
د زده کړې په جریان کې، نوموړو د انجینیرۍ بیلابیل وسایلو څخه کار واخیست او د ځمکې مساحت یې مشخص کړ.
له بلې خوا د کابل ولایت تخنیکي آمر ښاغلي استاد رفیع الله حبیبي د کابل د اتوميخانيکي اکاډمۍ د ساحو د هوارولو په اړه چې کار يې پخوا پيل شوى و، وويل چې د دې ساحې د شنه کولو او سمسورتیا بهير په ټينګه دوام لري.
هغه زياته کړه، چې په پام کې لري دغه ځاى د خلکو د ليدو او تفریح لپاره په يوه زرغون ځاى بدل شي.
د کابل اتومیخانیکي اکاډمۍ په هیواد کې د تخنیکي او مسلکي زده کړو ادارې یو له مهمو ښوونیزو مرکزونو څخه ده.
