د زرنج ادارې او حسابدارۍ انستیتوت وضعیت و څېړل شو
د تخنیکي و مسلکي زده کړو ادارې د مشرتابه پلاوي له لوري د نیمروز ولایت د ادارې او حسابدارۍ انستیتوت وضعیت وڅېړل شو.
ښاغلی مولوي غلام حیدر شهامت د تخنیکي او مسلکي زده کړو ادارې سرپرست د دغه ادارې د یوپلاوي په مشرۍ د زرنج ادارې او حسابدارۍ انستیتوت د زده کړې له صنفونو څخه لیدنه وکړه، او د زده کړیالانو ستونزې یې له نږدې واورېدې.
همداراز، زده کړیالانو خپلې ستونزې او اړتیاوې د تخنیکي او مسلکي زده کړو ادارې له سرپرست سره شرېکې کړې، ښاغلي مولوي شهامت د هغوی ستونزو د حل له وعدې سره سره مسؤلینو ته په ځینو موضوع ګانو کې اړینې لارښوونې وکړې.
له بل پلوه، هغوی د دغه ښوونیز مرکز ټول اسناد وکتل، همدارنګه دغه اداري پلاوي د چارو د سمون په موخه د یاد انستیتوت له مسؤلینو سره خپل نظرونه شریک کړل.
