د دولتي ادارو د ویاندویانو او نشراتو مسئولینو د تقدیر مراسم ترسره شول
د هېواد د کورنیو چارو وزارت د ویاندویانو د ظرفیت لوړولو په هکله د سیمینار په پای کې؛ نوموړي د دولتي ادارو د وياندويانو او د رسنيو مسؤلينو د تقدیر مراسم ترسره شول.
په دغه مراسمو کې خلیفه سراج الدین حقاني، مولوي ذبیح الله مجاهد او نورو دولتي چارواکو هم ګډون کړی و.
د دغې غونډې ويناوالو په افغانستان کې د واقعيتونو په انعکاس کې د رسنيو رول مهم وباله او ټينګار يې وکړ چې حکومت په هېواد کې د رسنيو ملاتړ ته ژمن دى.
له بلې خوا د کورنیو چارو وزیر د ویاندویانو د تقدیر په مراسمو کې د وینا پر مهال له دوی وغوښتل چې له ټولو رسنیو سره ښې اړیکې ولري.
