د دایکندي ولایت اړوند د اشترلي ولسوالۍ کثیرالرشتوي لېسې له وضعیت څخه څارنه وشوه
د تخنيکي او مسلکي زده کړو ادارې د تخنیکي او مسلکي چارو مرستيال په مشرۍ يو پلاوي دایکندي ولایت ته د خپل سفر په ترڅ کې د یاد ولایت د اشترلي ولسوالۍ کثیرالرشتوي لېسې له وضعیت څخه څارنه وکړه.
نومړو د یاد ښوونیز مرکز له ټولو اسناد او کاري چارو څخه مرور او څارنه وکړه.
په همدې حال کې د اشترلي کثیرالرشتوي لېسې کارکوونکو او زده کوونکو خپلې ستونزې او اړتیاوې د تخنیکي او مسلکي زده کړو له پلاوي سره شریکې کړي.
یاد پلاوي د نوموړو د ستونزو او ننګونو د حل کولو د ژمنې تر څنګ، د یو شمیر موضوعاتو په اړه مسؤلینو ته لازمې لارښوونې هم وکړې.
دا په داسې حال کې ده چې د تخنيکي او مسلکي زده کړو ادارې پلاوي د باميان ولايت د تخنيکي او مسلکي زده کړو د مرکزونو د څيړنې له بشپړولو وروسته دایکندي ولایت ته تللي او په پام کې لري چې نورو ولايتونو ته هم سفر وکړي.
