د جوزجان ولایت تخنیکي انسټيټوټ زده کوونکو د یاد ولایت له برښنا ریاست څخه لیدنه وکړه
د جوزجان ولايت تخنيکي انسټيټوټ د برق څانګې زده کوونکو د یوه علمی سفر په ترڅ کې د یاد ولايت د برښنا ریاست له اړونده لابراتوار څخه لیدنه وکړه او نوموړو ته د برېښنا په اړه په عملي ډول روزنه هم ورکړل شوه.
لارښود استاد او د برښنا ریاست مسؤلینو ددې سفر په ترڅ کې زده کوونکو ته د بیلابیلو برښنايي موضوعاتو په اړه په مفصل بڼه توضیحات وړاندې کړل.
دغهراز زدهکوونکي هم د نوموړو لپاره د علمي سفرونو له جوړولو څخه خوښي څرګنده کړه او د تخنیکي او مسلکي زده کړو له ادارې څخه یې ددې اقدام په ترسره کولو کې قدرداني وکړه.
د تخنیکي او مسلکي زده کړو په مرکزونو کې زیاتره زده کړې عملي دي، څو د تخنیکي او مسلکي زده کړو د مرکزونو فارغین په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
