د تخنیکې او مسلکې زده کړو ادارې اکاډمیکو چارو مرستیال په کابل کې له دریو انسټیټونو څخه لیدنه وکړه
د تخنیکي او مسلکي زده کړو ادارې د اکاډمیکو چارو مرستیال استاد نورمحمد عزیزي د څارنې پلاوی سره مل احمدشاه بابا، ژورنالیزم او د کابل ښار 19 ناحیه کثیرالرشتوی انسټیټونو څخه لیدنه وکړه.
ښاغلي عزيزي د يادو انسټیټونو له امرینو او زده کړیالانو سره خبرې وکړې او د هغوى ستونزې يې وڅېړلې.
د مسلکي استادانو کمښت، د کمپيوټرونو کمښت او د عملي کار لپاره د خامو موادو نه شتون د دې درېيو انسټیټونو اساسي ستونزې وې.
ښاغلی استاد عزيزي د هر انسټیټوټ د ستونزې له ځان سره یاداښت او ژمنه يې وکړه، چې د تخنيکي او مسلکي زده کړو ادارې له مشرتابه سره په همغږۍ به يې ستونزې ژر تر ژره حل کړي.
