د تخنیکي او مسلکي چارو مرستیال د بامیان ولایت له والي سره ناسته ترسره کړه
د تخنيکي او مسلکي چارو مرستيال مولوي غلام سعيد احساس د تخنيکي او مسلکي زده کړو ادارې د يوه پلاوي په مشرۍ د باميان ولایت له والي مولوي عبدالله سرحدي سره لیدنه او خبرې اترې وکړې.
په دې کتنه کې دواړو لورو په بامیان ولایت کې د تخنیکي او مسلکي زده کړو د مرکزونو پر ستونزو او ننګونو خبرې وکړې.
په همدې حال کې د تخنيکي او مسلکي چارو مرستيال وويل، د تخنيکي او مسلکي زده کړو اداره د هېواد د پرمختګ او پر ځان بسياينې په لاره کې يو له مهمو بنسټونو څخه ده.
محترم مولوي احساس څرګنده کړه چې یاده اداره هڅه کوي ترڅو د تخنیکي او مسلکي زده کړو د مرکزونو تعلیمي نصاب معیاري او د کار بازار اړتیاوو ته ځواب ویونکی کړي.
دغه راز په دې کتنه کې د بامیان ولایت والي ژمنه وکړه چې په یاد ولایت کې د تخنیکي او مسلکي زده کړو د مرکزونو ستونزو او اړتیاوو ته به رسدګي وکړي.
په ورته وخت کې مولوي غلام سعید احساس د مجاهدینو د روزنې د څرنګوالي په اړه وویل چې نوموړي باید ټولګيو ته پابنده او په صنفونو کې حضور ولري.
په دې ناسته کې په نورو اړوندو مسایلو هم خبرې وشوې او غونډه د دعایې په ویلو سره پای ته ورسیده.
