د تخنیکي او مسلکي زده کړو په یو ښوونیز مرکز کې د زده کوونکو لخوا د شاتیو مچیو پالنه
د کاپیسا ولایت د مرکز کرنې مسلکي انسټيټوټ دولسم ټولګي زده کوونکو ته د تخنیکي او مسلکي زده کړو ادارې د عملي زده کړو په چوکاټ کې د شاتو مچیو د پالنې په اړه په عملي ډول روزنه ورکړل شوه.
لارښود استاد زده کوونکو ته د شاتو مچیو د ډولونو او د شاتو مچیو د پالنې اړوند وسایلو په اړه هر اړخیز معلومات هم وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
