د تخنیکي او مسلکي زده کړو په یوه ښووونیز مرکز کې د عملي زده کړو د لړۍ دوام
د لوگر ولایت محمدآغې کثیرالرشتوي انسټيټوټ محصلینو ته د تخنیکي او مسلکي زده کړو ښوونیزو مرکزونو د عملي زده کړو په چوکاټ کې د شبکې په اړه په عملي بڼه روزنه ورکړل شوه.
د لارښود استاد تر نظر لاندې، د دې مرکز د عملي کارونو په ورکشاپ کې، محصلینو د لاسرسۍ وړ وسایلو په کارولو سره د ++C « د برنامې لیکلو ژبې» د کارولو طریقه په عیني شکل وکتله او د درس له ښوونیزو موادو څخه یې په عملي ډول ګټه پورته کړه.
دغه راز لارښود استاد نوموړو ته د ++C او د هغې د کارولو د څرنګوالي په اړه هراړخیز توضیحات ورکړل او د هغوی پوښتنو او سوالونو ته یې ځوابونه وویل.
په ورته وخت کې، استاد په دې درس کې وویل چې (C++) یوه لوړه کچه، څو اړخیزه پروګرامینګ ژبه ده چې د بیلابیلو سافټویرونو د پراختیا لپاره کارول کیږي.
