د تخنیکي او مسلکي زده کړو په مرکزونو کې د زده کوونکو د جذب په موخه د عامه پوهاوي کمپاین لړۍ روانه ده
د تخنیکي او مسلکي زده کړو ادارې ولایتي آمریتونو کې د تخنیکي زده کړو مرکزونو ته د زده کوونکو او زده کړیالانو د زیات جذب په موخه د عامه پوهاوي کمپاین پیل کړی دی.
د ښوونځيو او عالي لېسو په ليدنې په لړ کې يې د عمومي ښوونځيو زده کوونکو ته د تخنيکي او مسلکي زده کړو ادارې د کړنو په اړه معلومات ورکړل.
د دې ترڅنګ یې علاقه لروونکو زده کوونکو ته معلوماتي بروشرونه او د جذب خبرتیاوې هم ویشل کیږي.
د دې پروسې په دوام د کندز، بغلان او بلخ ولایتونو تخنیکي او مسلکي آمریتونو د عمومې ښوونځیو د زده کوونکو لپاره عامه پوهاوي کمپاین پیل کړی دی.
