د تخنیکي او مسلکي زده کړو ادارې ۱۲۵ تنه کارکوونکي د ظرفیت لوړونې برنامې څخه فارغ شول
د تخنيکي او مسلکي زده کړو له ادارې څخه ١٢٥ تنه کارکوونکي د دغې ادارې د ظرفيت لوړولو له برنامې څخه فارغ شول.
دغه برنامه د تلې په ۲۲ مه په دوو دورو کې پیل شو چې په کې د ۱۲ ولایتونو د تخنیکي او مسلکي زده کړو د مرکزونو استادانو ګډون کړی و.
په دغه ښوونیز ورکشاپ کې د تخنیکي او مسلکي زده کړو د مرکزونو استادانو ته د تدریس اصول تدریس شول.
د دغې برنامې په وروستۍ ورځ د تخنیکي او مسلکي زده کړو د ریاست د نصاب او ښوونکو د روزنې رئیس انجنیر احمد نبي نایل خبرې وکړې او د ښوونیز نظام پر ښه والي یې ټینګار وکړ.
د دغه ښوونیز پروګرام په پای کې ګډونوالو ته تقدیر پاڼې هم ورکړل شول.
