د تخنیکي او مسلکي زده کړو ادارې پلاوي د بامیان وللایت د مجاهدینو له روزنیز بهیر څخه لیدنه وکړه
د تخنيکي او مسلکي چارو مرستيال مولوي غلام سعيد احساس په مشرۍ د تخنيکي او مسلکي زده کړو ادارې پلاوي باميان ولايت ته د خپل سفر په ترڅ کې په یاد ولایت کې د مجاهدینو له تدریسي بهیر او روزنیزو ټولګیو څخه لیدنه وکړه.
له مجاهدينو سره په لیدنه کې ښاغلي مولوي احساس وويل چې نوموړي بايد اداري مهارتونه او مديريتي پوهه زده کړي. نوموړي زیاته کړه چې مجاهدین باید خپلو زده کړو او حاضرۍ ته ژمن وي.
په همدې حال کې دتخنيکي او مسلکي چارو مرستیال وويل چې په یاد ولايت کې د محصلو مجاهدينو ستونزو او وړانديزونو ته به رسیدګي وشي.
