د تخنیکي او مسلکي زده کړو ادارې مشرتابه غونډه د بودجې د ګټور او پر وخت مصرف په موخه ترسره شوه
د تخنيکي او مسلکي زده کړو ادارې مشرتابه غونډه د دغه ادارې مشر مولوي غلام حيدر شهامت په مشرۍ او د رئيسانو په حضور کې ترسره شوه.
په دې ناسته کې تخنیکي او مسلکي زده کړو ادارې له مالي پلان سره سم د تدارکاتي پروسې او له بودجې څخه د اغېزمنې استفادې په اړه بحث وشو.
د تخنیکې او مسلکې زده کړو ادارې د پلان ستراتیژیکې پاليسۍ رئيس روح الله شفيق د تخنيکي او مسلکي زده کړو ادارې د مالي پلان د بيانولو په ترڅ کې وويل، چې د بودجې ډېره برخه د دغه ادارې اړينو اړتياوو ته ځانګړې شوې ده.
د هغه په وينا، د اړتيا وړ تېل، قرطاسیی، د څښاک اوبو د څاګانو کيندل او د موټرو پرزې د ١٤٠١ مالي کال په پلان کې له اساسي اړتياوو څخه دي.
په غونډه کې ټینګار وشو چې تدارکاتي چارې دې په خپل وخت ترسره شي، ترڅو بودجه په سمه او پر وخت ولګول شي.
د مالی او حسابی رئیس حامد پوپل هم ټينګار وکړ، چې د مالي پلان له مخې بايد ژر تر ژره د بودجې لګول پيل شي.
ښاغلي پوپل وویل چې د 1401 مالی کال د بودجې مصرفولو د لارې هوارولو لپاره دې تیر مالي حسابونه باید تصفیه کړل شی.
د تخنيکي او مسلکي زده کړو ادارې رئيس د بودجې د لګښت د ګړندي کولو کمېټې ته لارښوونه وکړه، چې د بودجې د اغېزمن او پر وخت مصرفولو لپاره دې د تدارکاتو له امریت سره همکاری وکړي.
ښاغلي شهامت ټینګار وکړ: د اصولو له مخې باید کار ترسره شی ترڅو بودجې مصرف او اړین کارونه دواړه ترسره شي.
