د تخنیکي او مسلکي زده کړو ادارې مالي او اداري غونډه ترسره شوه
د تخنيکي او مسلکي زده کړو ادارې مالي او اداري غونډه د دغې ادارې مالي او اداري چارو مرستيال مفتي فضل الرحمن فاضل په مشرۍ ترسره شوه.
په دغه جلسه کې چې د یو شمېر رئیسانو او آمرینو په ګډون کړی وو، د وجه سردستۍ بودجې د اسنادو د تصفیې، د «ان ټي ای» او استادانو د خالي بستونو آزموینې او د تدارکاتې بهیر د ننګونو او او د دعوت او ارشاد رياست د سپارښتنو د پلي کولو په څرنګوالي خبرې وشوې.
ښاغلي فاضل په خپلو خبرو کې د وجه سردستي بودجې د اسنادو پر وخت تصفیه کولو ټینګار وکړ او له اړونده رئیسانو یې وغوښتل چې دې موضوع ته کلکه توګه پاملرنه وکړي.
د غونډې ګډونوالو هم د غونډې په اجنډا کې د شاملو موضوعاتو په اړه خپل نظرونه وړاندې کړل.
د دعوت او ارشاد رئيس مفتي نجم الدين حقاني د دغه رياست د سپارښتنو د پلي کيدو د څرنګوالي په اړه وويل، چې د پخوا په پرتله د تخنیکي او مسلکي زده کړو ادارې کارکوونکو سیرت او صورت ته پاملرنه زياته کړې ده.
یاده غونډه د لازمو پریکړو او د خیر دعا په کولو سره پای ته ورسیده
