د تخنیکي او مسلکي زده کړو ادارې لخوا د مجاهدینو روزنیز پروګرام لپاره تجهیزات سمبال شول
تخنیکي او مسلکي زده کړو ادارې د مجاهدینو روزنیز پروګرام چې اوس مهال د تخنیکي او مسلکي زده کړو په مرکزونو کې دوام لري، نور هم سمبال کړ.
دا مواد، چې د دې ادارې د تدارکاتو برخې لخوا چمتو شوي، د بریښنا مختلف وسایل لکه سولر ، انورټر، او قرطاسیه باب، پکې شامل دي، چې مجموعي ارزښت یې له ۱۱ ملیون افغانیو څخه زیات دی.
د مجاهدینو روزنیز پروګرام د تخنیکي او مسلکي زده کړو ادارې له مهمو پروګرامونو څخه دی، چې ددې پروګرام په ترڅ کې په ټول هیواد کې مجاهدین د تخنیکي او مسلکي زده کړو په مرکزونو کې پر مدیریتي زده کړو بوخت دي.
د تخنیکي او مسلکي زده کړو ادارې رهبری ژمن دي تر څو د نورو روزنیزو پروګرامونو ترڅنګ د مجاهدینو روزنیز پروګرام هم پیاوړی کړي.
