د تخنیکي او مسلکي زده کړو ادارې سرپرست د موبي ګروپ د بشري سرچینو له رئیس سره خبرې اترې وکړی
د تخنيکي او مسلکي زده کړو ادارې سرپرست مولوي غلام حيدر شهامت په افغانستان کې د موبي ګروپ د بشري سرچینو له رئيس ډاکټر بهمن يوسفي سره وکتل.
په دغه کتنه کې ښاغلي یوسفي د بشري سرچینو او د انساني پانګې او د بشري سرچینو مدیریت په برخه کې د خپلو شخصي تجربو په اړه خبرې وکړې او ویې ویل، چې د یوه هېوادوال په توګه د تخنیکي او مسلکي زده کړو له ادارې سره هر ډول همکارۍ ته چمتو دی او دغه کار یې خپل مسؤلیت وګاڼه.
د تخنيکي او مسلکي زده کړو ادارې سرپرست دغه راز وويل، چې هر څوک د هېواد پر وړاندې مسوول دى او خلکو ته خدمت کول د ټولو ګډه موخه ده.
ښاغلي شهامت له ښاغلي یوسفي څخه د تخنیکي او مسلکي زده کړو له ادارې سره د همکارۍ د اعلان له امله مننه وکړه او ویې ویل چې د تجربو او مشورو د تبادلې په خاطر باید اړیکې دوام ومومي.
