د تخنیکي او مسلکي زده کړو ادارې رهبري غونډه ترسره شوه!
د تخنيکي او مسلکي زده کړو ادارې د رهبرۍ غونډه د دغه ادارې رئيس مولوی غلام حيدر شهامت په مشرۍ جوړه شوه.
په دې غونډه کې د ۱۷۱ چاپ شویو درسي کتابونو پر برخلیک او د هغو د وېش د پیل په اړه بحث وشو.
د تخنيکي او مسلکي زده کړو ادارې د پلټنې رياست د ارزونې له مخې، دغه کتابونه له شرطنامې سره سم نه دي چاپ شوي او د چاپ اندازې، وزن او کيفيت له پلوه هم له شرطنامې سره سم نه دي.
په دې کتنه کې چې د مطبعې استازی هم حضور درلود، موافقه وشوه چې د چاپ شويو کتابونو د کيفيت له مخې به په بيو کې توپير وی او دغه توپير دې د تخنيکي او مسلکي زده کړو ادارې ته وسپارل شي.
له دې هوکړې وروسته د دغو کتابونو د ترلاسه کولو او په ښوونیزو مرکزونو کې د وېش د بهیر د پیلولو پرېکړه هم وشوه.
