د تخنیکي او مسلکي زده کړو ادارې د مالي ریاست کارکوونکو لپاره د ظرفیت لوړولو پروګرام ترسره شو
د تخنيکي او مسلکي زده کړو ادارې د کارکوونکو چارو رياست د افغانستان نړيوال بانک سره په همکارۍ د دې ادارې اړوند مالي او حسابي ریاست د کارکوونکو لپاره د ظرفيت لوړولو پروګرام ترسره کړ.
په دې پروګرام کې د مالي ریاست څخه لس تنه کارکوونکي ګډون لري چې د مالي چارو د اساساتو په اړه به د شپږو ورځو په لړ کې د ماستر ترینرانو له لوري په نظري او عملي بڼه روزنه ترلاسه کړي.
په ورته وخت کې، ګډونوالو د دې پروګرام له ترسره کیدو څخه د خوښي څرګندولو ترڅنګ له مسؤلینو وغوښتل چې د دې ډول پروګرامونو ترسره کولو ته دوام ورکړي.
دا په داسې حال کې ده چې د تخنیکي او مسلکي زده کړو ادارې د کارکوونکو د چارو ریاست تل هڅه کوي ترڅو په دوامداره توګه د ظرفیت لوړولو ورکشاپونو په جوړولو سره د یادې ادارې د کارکوونکو ظرفیت او پوهه لوړه کړي.
