د تخنیکي او مسلکي زده کړو ادارې د رهبرۍ غونډه جوړه شوه
د تخنیکي او مسلکي زده کړو ادارې د رهبرۍ غونډه د ښاغلي مولوي غلام حیدر شهامت په مشرۍ جوړه شوه.
په دې غونډه کې د تخنیکي او مسلکي زده کړو ادارې محترمو معاونینو هم حضور درلود.
د دې مجلس په پيل کې د تخنيکي او مسلکي زده کړو ادارې د رهبرۍ، د تېرې غونډې پرېکړې وڅېړل شوې او اړوندو څانګو د خپلو کړنو راپورونه وړاندې کړل.
د دې غونډې په دوام کې د تخنيکي او مسلکي زده کړو ادارې د داخلي لوایحو او طرزالعمل د طی مراحل کیدو پر څرنګوالي خبرې وشوې او د غونډې ګډون کوونکو په دې برخه کې خپل نظرونه شريک کړل.
دغه راز په دې غونډه کې له اجنډا سره سم د تخنیکي او مسلکي زده کړو په مرکزونو کې د معتمدینو د ګمارلو په اړه هم پریکړه وشوه.
همدارنګه په دې ناسته کې په نورو موضوعاتو هم خبرې وشوې او غونډه په دعایې سره پای ته ورسیده.
