د تخنیکي او مسلکي زده کړو ادارې د اعلان شویو بستونو تقریري آزموینه واخیستل شوه
د تخنیکي او مسلکي زده کړو ادارې د پروګرامونو د څیړنې او تضمین کیفیت ریاست د اعلان شویو بستونو تقریري آزموینه د تخنیکي او مسلکي چارو مرستیال ښاغلي مولوي غلام سعید احساس لخوا واخیستل شوه.
په دې پروګرام کې د بشري سرچینو رئیس او د تخنیکي او مسلکي زده کړو ادارې دپروګرامونو د څیړنې او تضمین کیفیت رئیس هم حضور درلود.
د تخنيکي او مسلکي زده کړو اداره هڅه کوي چې د ازادې سيالۍ له لارې د آزموينې په پيلولو سره په دې اداره کې د متخصصو او مسلکي کسانو د استخدام او جذب لپاره زمینه برابره کړي.
