د تخنیکي او مسلکي زده کړو ادارې او لوړو زده کړو وزارت ترمنځ مشورتي ناسته ترسره شوه
د تخنیکي او مسلکي زده کړو ادارې او د لوړو زده کړو وزارت ترمنځ تخنیکي او مسلکي زده کړو په ادارې کې د کاربردی علومو د پوهنتون د جوړولو په اړه مشورتي ناسته ترسره شوه.
د تخنیکي او مسلکي زده کړو ادارې د اکاډمیکو چارو مرستیال ښاغلی استاد نورمحمد عزیزي، د دې ناستې موخه په دې دفتر کې د کاربردی علومو پوهنتون د جوړولو په اړه لا همغږي کول وو.
په دې غونډه کې د تخنیکي او مسلکي زده کړو ادارې د بلان او ستراتیژیکی پالیسۍ رئیس روح الله شفیق د پریزنټیشن په وړاندې کولو سره د کاربردی علومو د پوهنتون جوړول د وګړو مسلکی روزنې او د هېواد د اقتصاد د ودې لپاره خورا مهم وبلل.
د لوړو زده کړو وزارت مرستیال لطف الله خیرخواه د تخنيکي او مسلکي زده کړو اداره د مسلکي کارکوونکو د روزنې او اقتصادي ودې په برخه کې مهم وباله او ژمنه يې وکړه، چې په مرکز او ولايتونو کې به د تعليمي او تخنيکي ښوونځيو د پراختيا او په دې اداره کې د کاربردی علومو د پوهنتون په جوړولو کې همکاري وکړي.
د غونډې په پای کې دواړو لوریو د کاربردی علومو د پوهنتون د جوړولو په برخه کې د همکاریو پر دوام ټینګار وکړ.
