د تخنیکي او مسلکي زده کړو ادارې او آغا خان بنسټ ترمنځ د همکارۍ تفاهم لیک لاسلیک شو
د تخنيکي او مسلکي زده کړو ادارې سرپرست مولوي غلام حيدر شهامت او په افغانستان کې د آغاخان بنسټ د مشر ډاکټر نجم الدين نجم ترمنځ د همکارۍ تفاهم ليک لاسليک شو.
د یاد هوکړه لیک د موادو پر بنسټ، آغا خان بنسټ په بامیان، بغلان او دایکندي ولایتونو کې لنډ مهاله حرفوي برنامې ترسره کوي.
د تخنيکي او مسلکي زده کړو ادارې سرپرست له دغې ادارې سره د آغا خان بنسټ د دوامداره همکاريو قدرداني وکړه او د دې همکارۍ د لا پراختيا غوښتنه يې وکړه.
له بلې خوا ډاکتر نجم د تخنيکي او مسلکي زده کړو اداره د افغانستان لپاره يو له مهمو ادارو څخه وبلله او ژمنه يې وکړه چې له دغې ادارې سره به د آغا خان بنسټ همکاري دوام ولري.
