د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یادې ادارې د تحقیق او نوښت رئیس ښاغلي مفتي سید محسن سادات په وینا او د کارکوونکو په ګډون سره ترسره شوه.
مفتي سید محسن سادات په دې درسي جلسه کې د مجازی پاڼو د رول او په سمه توګه له دې پاڼو څخه د کارونې په اړه خبرې وکړې.
نوموړي وويل چې د مجازي پاڼو کارول د ډېرو ګټو سربېره ډېر زيانونه هم لري. هغه زياته کړه چې د مجازي پاڼو ډېر کارول په انسان کې د استرس، روحي او رواني فشار او د دماغي اختلالاتو لامل هم کېدای شي.
مفتي سادات د دې ښوونیز پروګرام له ګډونوالو څخه وغوښتل چې د خپل وخت په مدیریت او د نورو خصوصي حریم ته په درناوي سره له دې برېښنايي وسایلو څخه په سمه توګه کار واخلي.
د تخنیکي او مسلکي زده کړو ادارې اصلاحي غونډه د پنجشنبې په ورځ ترسره کیږي، چې په یادې غونډه کې په اړینو دیني او عقیدوی موضوعاتو بحث کیږي.
