د تخنیکي او مسلکي زده کړو اداری د ښوونیزو مرکزونو استادانو علمي سیمینار پیل شو
د تخنیکي او مسلکي زده کړو ادارې نصاب او ښوونکو د روزنې ریاست تخنیکي او مسلکي زده کړو مرکزونو ښوونکو ته د " علمی سیمینار وړاندې کولو " پروګرام پیل کړ.
د دغه پروګرام په پيل کې د تخنيکي او مسلکي زده کړو ادارې اکاډمیکو چارو مرستيال استاد نورمحمد عزيزي وويل، چې د دغه سيمينار د جوړېدو موخه؛ د کادری استادانو پیژندنه دی.
استاد عزيزي همدارنګه وويل: "يوازې هغه کسان چې د علمي سيمينار په وړاندې کولو کې بريالي شي، د کادری امتیاز څخه برخمن کېږي."
په پام کې ده چې دغه علمي پروګرام په مرکز او ولایتونو کې د تخنیکي او مسلکي زده کړو ادارې د ښوونیزو مرکزونو ټولو استادانو لپاره په لاره واچول شي.
